事先聲明，夾份買樓係一件好麻煩既事，你要有朋友意見不合，因財失義的心理準備。
買一層樓你需要俾首期和向銀行做按揭，除非你可以一次過俾晒做 full paid 啦。
我會舉個例，方便說明：
假設有三位朋友，以400萬買入一個的單位，並向銀行做9成按揭。
三人需要付出40萬作為買樓的首期。
- 朋友A付出了20萬（佔首期50%; 佔樓價5%;）
- 朋友B付出了10萬（佔首期25%; 佔樓價2.5%;）
- 朋友C付出了10萬（佔首期25%; 佔樓價2.5%;）
共40萬（三人的總投資金額）
而銀行則借出了360萬按揭貸款。